ನೀನಿರದಾಗ!

ಹೇಗೆ ಕಳೆದೆನೋ;

ನೀನಿರದ ದಿನಗಳ...

ಕೇಳು ಬೇಕಾದರೆ;

ಆ ಸಾಲು ನಕ್ಷತ್ರಗಳ.

ಮುಂಜಾನೆವರೆಗೂ,

ಅವುಗಳ ಜೊತೆಗಿದ್ದೆ.

ಒಂದು. ಎರಡು.. ಎಣಿಸುತಲೇ...

ಬಾರದೇ ಹೋಯಿತು ನಿದ್ದೆ!!!

ಮೌನ - ಸದ್ದು!

ಮಾತನಾಡಿದರೆ... ಬರೀ
ನಿನ್ನದೇ; ನೆನಪು!

ಅದಕೆ, ಮೌನವಾಗಿರಲು;
ಪ್ರಯತ್ನಿಸಿದ್ದು!
ಅಲ್ಲೂ; ನಿನ್ನ, ನೆನಪುಗಳದ್ದೇ,
ಸದ್ದು!!!

ನಗು

ನಿನ್ನ ಮತ್ತು ನನ್ನ
ನಗುಗಿರುವ; ವ್ಯತ್ಯಾಸ ಗೊತ್ತೇನೇ?

ನೀನು;
ನೀನು ಖುಷಿಯಾಗಿದ್ದೀಯಾ, ಅಂತ...
ನಾನೋ?
ನೀನು ಖುಷಿಯಾಗಿದ್ದೀಯಾ, ಅಂತ!!!

ನಾ, ಬದುಕಲೇಬೇಕಿದೆ!!!

ಕನಸ್ಸಿನಲ್ಲಲ್ಲದಿದ್ದರೂ, ಸರಿ;
ನಿನ್ನ ಕಣ್ಣೆವೆಯೊಳಗಾದರೂ; ಒಂದಿನಿತು ನೆಲೆ ನೀಡು
ನಾ, ಬದುಕಬೇಕಿದೆ!

ಮನೆಯಂಗಳದಲ್ಲದಿದ್ದರೂ, ಸರಿ;
ನಿನ್ನ ನೆನಪಿನಂಗಳದಲ್ಲಾದರೂ, ಚೂರು ಜಾಗ ಕೊಡು;
ನಾ ಬದುಕಬೇಕಿದೆ!!

ನೀ, ನನ್ನ; ಪ್ರೀತಿಸದಿದ್ದರೂ, ಸರಿ;
ನಾ, ನಿನ್ನ ಪ್ರೀತಿಸುತಲೇ...
ನೀನಿರದ ಬದುಕ ಕಡಲ ಈಜಲೇಬೇಕಿದೆ!
ಅದಕಾದರೂ ಅಪ್ಪಣೆ ಕೊಡು;
ನಾ, ಬದುಕಲೇಬೇಕಿದೆ!!!